اتخيل كدة انك قاعد ف قهوة ف واحدة من القري العشوائية ف مصر - وما اكترها ف مصر - و بتتفرج علي قناة ميلودي و فجاة لقيت شيرين طالعة تغني و هيا بتنقش الكحك ( مشربتش من نيلها) ..
طبعا هتقول بصوت عالي واثق ( لا طبعا ) لان مية النيل بقت زيها زي اي حاجة تانية لناس و ناس يعني المدن الكبيرة تلاقي المية ماشية ف مواسيرها تقريبا طول اليوم و فية قري صغيرة تقريبا اهلها ميعرفوش اسمها اية مفيهاش مواسير مية اصلا ..بييعتمدوا علي عربية المية اللي بتيجي تقف ف اول البلد و اللي عندة جركن يجي يملا .. اتخيل كدة ان مسالة حنفية تنزل مية بالنسبة لناس وهم و خيال علمي
حتي ف المدن برضة المية اللي بتنزل من الجنفية مية ملوثة و اغلب الناس بتعتمد علي المية المعدنية - اللي هيا برضة مية حنفية بس نسبة الاملاح فيها اقل - او فلاتر المية و دا بسبب ان مواسير المية و مواسير الصرف الصحي بقوا اكتر من اخوات و اصحاب و الاتنين مفتوحين علي بعض .. واهو كلة مواسير و كلة سوايل
فية بقي مدن زي دمياط المية فيها نضيفة جدا و من كتر نضافتها تحس انك بتشرب كلور مش مية .. ويمكن دا من اسباب ان فواتير المية هناك عالية .. علشان الكلور غالي
افتكر مرة هيئة قناة السويس اشترت ماكينة جديدة .. المكنة دي بتتزود بمية .. بعد ست شهور خبير اجنبي جة علشان يراجع علي اداء المكنة .. اتفاجئ ان المكنة مصدية و مليانة طحالب .. ندة لمهندس من المهندسين و قالة ياريت تبقي تحطوا فيها مية من اللي بتشربوها لان مية المجاري ممكن تبوظهاالمهندس رد علية بكل استغراب و قالة ( احنا بنحط ف المكنة من مية الشرب .. )
حلم اسرائيل اللي كتبوة علي مدخل الكنيست ( من النيل للفرات ) افتكر لو شربوا من حنفياتها هيغيروا الشعارويبقي من بركة لنسلة
ف الاخر هسالك سؤال واحد بس ( مشربتش من نيلها ؟ ) و معيتش ؟
